Дрекслмајер – партнер на регионот

20. март 2019 Со над пет илјади вработени и производ за премиум сегмент во автомобилската индустрија, компанијата Дрекслмајер е активна во тиквешкиот регион.

Германската компанија DRÄXLMAIER Group во 2012 година ја основа ДММ Дрекслмајер Мануфактуринг Македонија ДООЕЛ, Кавадарци. Компанијата изработува комплетен кабелски сет за врвен автомобилски производител и со квалитетeн производ ја стекна довербата кај нашиот клиент.

Уште во првите неколку години Дрекслмајер забележа голем раст и го зголеми бројот на вработени од неколку стотини на преку четири илјади вработени. Во моментот, во фабриката во Кавадарци работат над пет илјади вработени.

Како долгорочен партнер на регионот соработуваме и ги користиме услугите на над шестотини домашни фирми. Годишниот обрт со домашните компании изнесува над десет милиони евра.

Дрексмлајер во земјата е водечка компанија во областа на дуалниот модел на образование и во соработка со Делегацијата на германското стопанство и Министерството за образование го спроведува дуалниот концепт според германски стандарди.

Согласно визијата и мисијата на DRÄXLMAIER Group, поддржуваме проекти од пошироко општествено значење и според нашиот донациски план поддржуваме проекти од областа на образованието, културата, спортот како и бројни социјални активности.

„Горди сме што во Кавадарци имаме Дрекслмајер фабрика која испорачува производ со врвен квалитет на нашиот клиент во Германија. Драго ни е што работиме и на нов производ за електричен автомобил, со што сигурно чекориме понатаму. Благодарни сме за досегашниот ангажман на сите наши вработени и остануваме фокусирани на истата цел и понатаму. Доброто на нашите вработени останува врвен приоритет за нашата компанија“, - Лукас Мирингер, генерален директор на ДММ Дрекслмајер Мануфактуринг Македонија ДООЕЛ, Кавадарци.

Општи информации

за
DRÄXLMAIER Групацијата

Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 65 фабрики во преку 20 земји. Основана во 1958 година, со главно седиште во Германија, компанијата брои повеќе од 75.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.

Во 2020 година обртот на компанијата изнесуваше 4.2 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.