Нова спортска опрема од Дрекслмајер за Ракометниот клуб „Тиквеш“

29. септември 2019 За успешна спортска сезона, Дрекслмајер подари комплетна спортска опрема на РК „Тиквеш“.

 

Кавадарци, 27. септември 2019 година – На големо задоволство на љубителите на спортот во Кавадарци, Дрекслмајер овојпат со поддршка за ракометот. Станува збор за комплетна спортска опрема која ги задоволува потребите на еден професионален спортист. За непречен професионален тренинг, клубот доби и нови спортски реквизити.

На примопредавањето на опремата генералниот директор на Дрекслмајер беше спортски поздравен од целиот ракометен тим. „Дрекслмајер се радува на сите спортски успеси кои му даваат енергија на градот и позитивен спортски дух. Со цел и ние да придонесеме ракометарите од РК „Тиквеш" да бидат уште помотивирани за постигнување на добри спортски резултати, дониравме спортска опрема, неопходна за еден професионален спортист", рече Лукас Мирингер.

Задоволството на ракометарите на РК „Тиквеш" е големо. Јане Јанчев изјави: „На наше големо задоволство компанијата Дрекслмајер, како и многупати до сега ја докажа својата желба и посветеност за поддршка на спортот во Кавадарци. Благодарни сме и среќни за пружаната поддршка од нивна страна. Ова ќе ни даде дополнителен поттик за понатамошни успеси и уште подобри резултати."

Како активен партнер на регионот Дрекслмајер несебично пружа поддршка во повеќе општествени сегменти. „Спортот секогаш го има нашиот примат и драго ни е што овојпат ракометниот клуб „Тиквеш" ја започна оваа спортска сезона со нова професионална опрема. На тимот му посакуваме спортски успеси и многу победи", додаде Мирингер на крајот од средбата со ракометарите.

Општи информации

за
DRÄXLMAIER Групацијата

Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 65 фабрики во преку 20 земји. Основана во 1958 година, со главно седиште во Германија, компанијата брои повеќе од 75.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.

Во 2020 година обртот на компанијата изнесуваше 4.2 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.