Нова спортска опрема за ФК Росоман 83
Фудбалерите од фудбалскиот клуб „Росоман 83“ ги започнаа подготовките за новата сезона со комплетно нова спортска опрема: дресови за официјални натпреавaри, спортски тренерки, јакни и комплети за тренирање. Компанијата Дрекслмајер ја подари спортската опрема на тимот во знак на поддршка за остварување поголеми успеси и клупски достигнувања.
Лукас Мирингер, Генерален директор на Дрекслмајер Македонија го посети фудбалскиот тим на теренот посочувајќи дека фудбалот има силна моќ да создаде позитивна енергија и ведар дух кај публиката и љубителите на спортот. „Сметаме дека со овој тип на поддршка ќе придонесеме за уште поголема мотивација кај фудбалерите да тренираат и професионално да се развиваат. Поддршката за развојот на спортот е еден од нашите приоритети и ние и натаму ќе иницираме активности да им помогнеме на клубовите кои се залагаат за подобра фудбалска иднина. Ви посакуваме многу нови победи и достигнувања!“, истакна Мирингер на примопредавањето на опремата.
Фудбалерите не го криеја своето задоволство што новата сезона ја започнуваат со комплетно нова опрема за тренинг, но и за настап на официјални натпревари. „Среќни сме што Дрекслмајер како компанија од регионот ни ја дава својата поддршка. Ова е најдобрата опрема во која клубот до сега се натпреварувал. Максимално сме посветени и сме дополнително мотивирани да оствариме нови успеси и уште подобри резултати. Ќе се бориме со срце на терен и ветуваме многу спортски победи“, рече претседателот на клубот Игор Темелков.
Изминатиот период компанијата, вклучувајќи ги своите вработени и заедницата реализираше голем број активности за поддршка и подобрување на условите во кои функционираат голем број спортски клубови не само од областа на фудбалот, туку и на полето на ракометот и кошарката. Како верен партнер на регионот Дрекслмајер останува посветен на иницирање проекти од областа на спортот, здравството, културата и образованието нa начин што ќе придонесе за општото добро на сегашните и идните генерации.
Општи информации
за
DRÄXLMAIER Групацијата
Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 65 фабрики во преку 20 земји. Основана во 1958 година, со главно седиште во Германија, компанијата брои повеќе од 74.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.
Во 2022 година обртот на компанијата изнесуваше 5.1 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.