Нови автобуски постојки за Неготино и Росоман

16. мај 2019 Дрекслмајер донираше нови постојки за општините Неготино и Росоман.

Кавадарци, 16. мај 2019 година - Од неодамна жителите на Неготино и Росоман користат нови, модерни автобуски постојки кои се донација од компанијата Дрекслмајер. Постојките во Неготино се современо опремени и на градот му даваат еден поинаков лик. Во склоп на една од нив ќе биде пуштен во употреба и киоск, со што на граѓаните им се нуди практично и функционално решение.

 „Ја поздравуваме поддршката на компанијата Дрекслмајер, како и постојаното инвестирање во заедницата. Овој пат преку донација на современи автобуски постојки во Неготино. Ова е нешто кое на граѓаните од нашиот град одамна им беше потребно. Особено сме задоволни што компанијата излезе во пресрет на нашите барања и ги исполни очекувањата во однос на тоа како би сакале да изгледаат постојките“ – Весна Ѓорчева, архитект во Општина Неготино. 

Во склоп на проектот беше вклучена и Општина Росоман која исто така го промени својот лик. Пет автобуски постојки, донација од нашата компанија, беа поставени на неколку клучни локации за жителите на ова населено место. ,

„Според нашиот план за поддршка на регионот се разбира дека и помалите општини се составен дел од истиот и токму затоа нѐ радува фактот што покрај Неготино и жителите на Росоман веќе извесен период имаат можност да ги користат новите автобуски постојки“ – Лукас Мирингер, генерален директор на фабриката Дрекслмајер во Кавадарци.  

Дрекслмајер е приватна, семејна компанија која поддржува социјални и одржливи проекти со намера да ја зајакнува довербата како партнер на регионот. Вредностите на компанијата се темелат на поддршката која ја пружаме на заедницата и разните општествени групи. Особено нè радува тоа што голем број на жители ги чувствуваат придобивките од реализираните проекти.

Општи информации

за
DRÄXLMAIER Групацијата

Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 65 фабрики во преку 20 земји. Основана во 1958 година, со главно седиште во Германија, компанијата брои повеќе од 75.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.

Во 2020 година обртот на компанијата изнесуваше 4.2 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.