Противпожарната единица во Кавадарци доби нова стандардизирана и унифицирана опрема од Дрекслмајер

02. ноември 2018 Противпожарната единица во Кавадарци доби нова стандардизирана и унифицирана опрема од Дрекслмајер

Противпожарниот тим во Кавадарци отсега е опремен со унифицирана и стандардизирана противпожарна опрема. Секој пожарникар доби огноотпорно одело, шлем, чизми и ракавици, и ова е потребно за ефикасно и професионално извршување на секојдневните задачи на противпожарната екипа.

„Последните неколку месеци имаме позитивни и значајни промени во нашата единица. Се зголеми бројот на пожарникари за десет нови колеги, добивме комплетно нова противпожарна опрема благодарение на Дрекслмајер, а во меѓувреме се гради и нова зграда, во која ќе бидеме сместени“, истакна Александар Чадамов, командир на Територијалната противпожарна единица, Кавадарци.

Опремата ја предаде генералниот директор на Дрекслмајер Македонија Лукас Мирингер, кој го поздрави тимот на пожарникари и додаде: „Драго ми е што имавме можност да придонесеме за поголема професионалност и ефикасност во Вашето работење. Се надевам дека во однос на Вашата примарна задача ќе биде потребно што помалку да интервенирате во противпожарната заштита. Исто така драго ми е што противпожарниот тим е вклучен и во други активности за разубавување на градот и создавање на услови за поубаво и побезбедно живеење во Кавадарци.“

Дрекслмајер го поддржува регионот преку реализација на бројни активности. Во фокусот на компанијата се образованието, културата, спортот и социјалните проекти.

Општи информации

за
DRÄXLMAIER Групацијата

Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 65 фабрики во преку 20 земји. Основана во 1958 година, со главно седиште во Германија, компанијата брои повеќе од 75.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.

Во 2020 година обртот на компанијата изнесуваше 4.2 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.