Сигурен партнер на регионот
Медицинскиот персонал во кумановската болница ќе работи со нови шестканални ЕКГ апарати кои се донација од DRӒXLMAIER Македонија. Опремата е веќе ставена во функција и е во служба на здравјето на граѓаните од Куманово и околината.
Претставници на DRӒXLMAIER Македонија ја предадоа донацијата во кумановската болница. „Во изминатиот период научивме дека заштитата на здравјето е наша лична, но и заедничка одговорност. Како сигурен партнер на регионот кадешто делуваме, во соработка со здравствените установи, реализираме бројни проекти и активности на начин што даваме поддршка при заштитата и унапредувањето на јавното здравје“, велат од менаџментот на DRӒXLMAIER Македонија.
„ЕКГ апаратите пристигнаа во вистинско време“
„Со оваа донација DRӒXLMAIER покажува дека станува збор за исклучително одговорна компанија која дава свој придонес во насока на здравјето на граѓаните во заедницата во којашто делува. ЕКГ апаратите дојдоа во вистинско време. Поради зголемениот обем на работа во изминатиот период, дел од оние што до сега ги користевме се истрошени и потребно е да се заменат со нови“, потенцира примариус д-р. Радомир Гелевски, Специјалист по дигестивна хирургија и помошник директор во кумановската болница.
Ова не е првата донација од DRÄXLMAIER
Во изминатиот период DRӒXLMAIER Македонија веќе донираше ЕКГ апарати за болницата во Неготино, апарат за тестирање примероци од нос и грло од пациенти сомнителни на Ковид 19 за лабораторијата на Центарот за јавно здравје во Прилеп како и заштитна и друга медицинска опрема за болниците во Кавадарци, Велес, Прилеп и Неготино.
DRӒXLMAIER и понатаму продолжува да иницира и да организира активности и проекти од интерес на заедницата во областа на здравјето, спортот, образованието и културата.
Општи информации
за
DRÄXLMAIER Групацијата
Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 65 фабрики во преку 20 земји. Основана во 1958 година, со главно седиште во Германија, компанијата брои повеќе од 74.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.
Во 2022 година обртот на компанијата изнесуваше 5.1 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.