Втора инвестиција на DRÄXLMAIER Group

10. мај 2021 Изградена нова фабрика во Куманово

Во регионот на Куманово започна со работа новиот, втор по ред производствен капацитет на Дрекслмајер во земјава каде ќе се произведуваат автомобилски компоненти за премиум клиенти во автомобилската индустрија. За потребите на производството, изминатиот период беше изграден нов индустриски капацитет според меѓународни Дрекслмајер стандарди, чија основна цел е создавање безбедна, здрава и пријатна работна средина. Двоцифрената милионска инвестиција ќе создаде нови работни места во регионот на Куманово.

„Како лидер во премиум автомобилскиот сегмент и дел од листата на ТОП 100 добавувачи во светската автомобилска индустрија, постојано ја добиваме и ја зајакнуваме довербата од нашите клиенти, така што се јави потребата од дополнително проширување на производствените капацитети каде е остварен комплетно интегриран производствен процес. 2020 година донесе многу турбуленции предизвикани од пандемијата на вирусот Ковид 19, а неповолните социо-економски движења не нѐ одбегнаа ниту нас. Сепак продолживме да инвестираме во нови производствени капацитети и развојни проекти“, рече Лукас Мирингер, генерален директор на Дрекслмајер Македонија.

Обезбедување на квалитетен производ е клучен предуслов за зацврстување на довербата кај клиентите. Токму затоа компанијата обезбедува работна средина каде можностите за учење и напредување се неисцрпни, така што остануваме доследни на нашата долгорочна стратегија за поддршка на професионалниот развој на нашите вработени. Инвестирањето во техничкото знаење на вработените преку посета на фабриките на другите локации со цел запознавање на работните процеси е исклучително важна алка во целокупниот процес на работењето на компанијата и претставува меѓународна размена на знаења во рамките на Групацијата DRÄXLMAIER.

„Во моментов во фабриката во кумановскиот регион работат над седумстотини соодветно обучени кадри, а бројот на вработени и понатаму ќе се зголемува. Вработените се нашиот најголем капитал и секогаш се во фокусот на нашето внимание“, вели Мирингер.

DRÄXLMAIER Group во земјата е присутен од август 2012 година со отворањето на првата фабрика во Кавадарци. Оттогаш па наваму компанијата е посветен и лојален партнер на регионот во кој што делува. Во изминатите години воспоставивме одлична соработка и партнерски однос со над седумстотини домашни компании кои имаат значаен удел во досегашното успешно работење на компанијата во насока на спроведување на водечките интернационални стандарди, креирање на компетитивна средина и препознавање и квалификување на нови технологии и добавувачи.

„Фабриката во Куманово ќе има важна улога во процесот на снабдување на нашите клиенти. Среќни сме што имаме можност да се развиваме и да го шириме нашето присуство во овој регион. Нашите тимови се составени од високомотивирани вработени кои со своето знаење и посветеност придонесуваат за создавање на висококвалитетен производ“ – потенцираше Мирингер.

Придржувајќи се на долгорочната стратегија за поддршка на младите луѓе и нивното образование и професионалниот развој, Дрекслмајер е водечка компанијата во земјава која неколку години наназад го спроведува германскиот модел на дуално стручно образование. Поддршка преку годишни стипендии и практична работа во компанијата добиваат и најдобрите студенти од техничките факултети во земјата.

Следејќи ја компаниската стратегија за одржливост, Дрекслмајер во соработка со општините од регионот, вклучувајќи ги и своите вработени, иницира и поддржува голем број активности насочени кон заедницата и општото добро на сегашните и идните генерации. Доследно ја реализира својата цел за реализирање на проекти за подобрување на условите во кои функционираат голем број спортски клубови и здруженија во делокругот на своето дејствување.

Дрекслмајер е германска семејна компанија која делува на глобално ниво, водејќи се од унифицираните принципи и стандарди кои важат во повеќе од шеесет фабрики насекаде ширум светот. Им посакуваме добредојде во тимот на вработените во новоотворената фабрика во Куманово, кои од април годинава се дел од големото Дрекслмајер семејство.

Општи информации

за
DRÄXLMAIER Групацијата

Групацијата DRÄXLMAIER ги снабдува врвните производители на автомобили ширум светот со сложени жичени системи од кабелски сетови, централни електрични и електронски компоненти, ексклузивни ентериери и системи од батерии за електрична мобилност. Комбинацијата од суштинските компетенции на полето на ентериерот, електричните и електронските, како и системите од батерии го прават DRÄXLMAIER уникатен во оваа индустрија. Токму затоа компанијата го покрива целосниот синџир на процесот, од првичната идеја, преку развојниот и производствениот процес, па сè до прецизната испорака на производите во секвенца до линиите за монтажа на врвните производители на автомобили. Творецот на специфичните жичени кабелски сетови изработени по барањата од клиентот, DRÄXLMAIER Групацијата, ја развива пионерската технологија за жичени кабелски сетови, но и за електричните и електронските компоненти, директно и единствено во рамките на организацијата. Производите ги вклучуваат повеќе-напонските и високо-напонските жичени системи од кабелски сетови, системи за управување со батеријата и паметни дистрибутери на струјата. DRÄXLMAIER веќе работи на иднината, која подразбира мобилност без емисија на штетни материи, со своите решенија за ниско-напонски и високо-напонски системи од батерии. Како лидер на пазарот во изработката на комплетен ентериер за премиум автомобилите, DRÄXLMAIER Group ги снабдува познатите производители на автомобили и со решенија за амбиентално осветлување, централни конзоли, облоги за врати и инструмент табли, како и со целосни модули за врати и кокпит модули. DRÄXLMAIER Групацијата e меѓународен добавувач во автомобилската индустрија со повеќе од 65 фабрики во преку 20 земји. Основана во 1958 година, со главно седиште во Германија, компанијата брои повеќе од 75.000 вработени ширум светот. За DRÄXLMAIER Групацијата, како компанија која е управувана од сопствениците, одговорното и долгорочното размислување секогаш биле основата за економскиот успех. Затоа ваквиот начин на делување е составен елемент од стратегијата на компанијата при создавањето на деловните и производствените процеси и на своите производи на поодржлив начин, кој пак ќе доведе до зголемување на конкурентноста на компанијата на долгорочна основа. Освен тоа, DRÄXLMAIER е истраен во посветеноста да постигне целосно намалување на емисијата на јаглерод диоксид во животната средина до 2050 година.

Во 2020 година обртот на компанијата изнесуваше 4.2 милијарди евра. Клиентите на овој добавувач, кој се вбројува во првите 100 добавувачи од автомобилската индустрија, ги вклучуваат: Audi, BMW, Jaguar, Land Rover, Maserati, Mercedes-Benz, Porsche и Volkswagen, како и калифорниските производители на автомобили.